Kompleta studprogramo pri esperantologio kaj interlingvistiko por tiuj, kiuj volas pliperfekti\u011di en tiu tereno kaj akiri kvalifikon, ekzistas nur en la Adam Mickiewicz Universitato (AMU) en Poznano, unu el la plej signifaj polaj universitatoj. Ekde 1998 \u011di ofertas tri-jaran eksteran postdiploman studadon por internacia publiko. La kursaro okazas en la Etnolingvistika Instituto (posteulo de la Lingvistika Instituto), Fakultato de Modernaj Lingvoj kaj Literaturoj, sub la gvido de Ilona Koutny kaj kun la kontribuo de elstaraj esperantologoj, kiel V\u011bra Barandovsk\u00e1-Frank, Tomasz Chmielik, Nicolau Dols, Istv\u00e1n Ertl, Michael Farris, Sabine Fiedler, Aleksander Kor\u0135enkov, Katalin Kov\u00e1ts, Aleksander Melnikov, Ida Stria kaj Humphrey Tonkin. Dum la historio de la Studoj kontribuis per kurso anka\u016d aliaj konataj fakuloj: Marc Bavant, \u2020Vilmos Benczik, \u2020Detlev Blanke, Renato Corsetti, Probal Dasgupta, Roman Dobrzy\u0144ski, \u2020Michel Duc Goninaz, \u2020Zbigniew Galor, Goro Christoph Kimura, Zs\u00f3fia K\u00f3r\u00f3dy, la poetino Lidia Lig\u0119za, Ulrich Lins, Maria Majerczak, Jukka Pietil\u00e4inen, Barbara Pietrzak, Blazio Wacha kaj John Wells.<\/p>\n\n\n\n
La Interlingvistikaj Studoj komplete en esperanto donas unuflanke la bazojn de \u011denerala kaj aplikata lingvistiko, kiuj estas necesaj por konvene loki esperanton inter la naturaj lingvoj, aliflanke prezentas planlingvojn, el kiuj esperanto elkreskis. La internacia kaj interkultura komunikado, por kiu esperanto estis kreita kaj kie gi bone funkcias, estas en fokuso. La Studoj detale okupi\u011das pri gramatiko, literaturo, kulturo kaj historio de Esperanto.<\/p>\n\n\n\n
En la tria jaro eblas speciali\u011di pri komunikado, lingvistiko, literaturo, tradukado, planlingvistiko a\u016d pri lingvopedagogio. Pro la metodika formado la Studoj ricevas specialan rolon en la instruista trejnado \u2013 al kiu eblos aparte ali\u011di. En tiu \u0109i tereno ekde la studjaro 2007\/08 reali\u011das kunlaboro kun ILEI (Internacia Ligo de Esperantistaj Instruistoj) kaj poste kun Edukado.net. Jen unika ebleco akiri universitatan atestilon por esperanto-instruistoj.<\/p>\n\n\n\n
\u011cis nun okazis unusemajnaj intensaj sesioj (surlokaj kursoj de po 4 studobjektoj kaj ekzamenoj) unufoje dum la semestro (fine de septembro kaj komence de februaro). Ekde 2021 okazos nur septembre surlokaj sesioj, poste retaj semajnfinaj sesietoj, anka\u016d la februara sesio estos virtuala, \u011din sekvos du virtualaj sesietoj. La semestroj komenci\u011dos per 5-tagaj intensaj sesioj, poste aldoni\u011dos la ekzamenoj. La gestudentoj laboras pri siaj taskoj hejme kaj konsulti\u011das rete kun la prelegantoj (kontrolado de ekzercoj, eseoj kaj pliaj kurso-taskoj), parte per reta platformo. Post pretigo de finlabora\u0135o kaj fina ekzameno ili ricevos atestilon pri postdiplomaj Interlingvistikaj Studoj, kiu validas 120 ECTS (e\u016dropajn studunuojn, same kiel la magistraj studoj).<\/p>\n\n\n\n
Partoprenontoj el la tuta mondo povas ali\u011di<\/strong>\u00a0\u011dis la 1-a de a\u016dgusto 2021 por la studoj. La unua sesio okazos inter la 21-a kaj la 25-a de septembro 2021. La sekvaj semajnfinaj sesioj fine de oktobro kaj komence de decembro.<\/p>\n\n\n\n Postuloj:<\/strong>\u00a0diplomo pri superagradaj studoj kaj bona scio de Esperanto (min. B2). Partoprenontoj devas plenumi orientigan teston.<\/p>\n\n\n\n Kotizo por unu semestro:<\/strong>\u00a01800 PLN (\u0109. 400 EUR). En motivita kazo eblos peti redukton. Kelkaj stipendioj estas anta\u016dvidataj dank’ al ESF (Esperantic Studies Foundation).<\/p>\n\n\n\n Pluaj informoj kaj ali\u011dilo:<\/strong>
http:\/\/interl.amu.edu.pl<\/a>
interlin@amu.edu.pl<\/a><\/p>\n\n\n\n