Esperanto en Pollando
Aventuro per Esperanto A1/A2

Riĉe ilustrita, moderna, komunikad-orientita lernolibro de Esperanto por pollingvanoj- dediĉita por komencantoj.
La lernolibro estas destinita al kursoj por mezlernejanoj, universitataj studentoj kaj plenkreskuloj okazigataj en lingvoklasoj kaj kursoj ĉeestaj, malĉeestaj aŭ organizataj dum ferioj.
Ĝi tre utilas ankaŭ por memlernantoj. La lernolibro instruas vivantan lingvon parolatan en ĉiutagaj situacioj.
Elŝutebla senpage.
Trejnilo de Esperanta Leksiko

La trejnilo estas destinita por partoprenintoj de mezgradaj Esperanto-kursoj, kiuj deziras daŭrigi sian aventuron kun Esperanto kaj aŭtodidakte pliprofundigi kaj progresigi konon de ties leksiko.
Trejnata vortprovizo ampleksas radikojn listigitajn en la Baza Radikaro Oficiala kaj la frazaro estas ĉerpita el verkoj de la unuaj jardekoj de la XXa jarcento (lingvouzo de la komencaj jaroj) kaj la XXIa (moderna lingvaĵo) jarcentoj, troveblaj en la Tekstaro de Esperanto.
Ekzercoj estas kreitaj per programo Hot Potatoes kaj enĉapitrigitaj per Masher.
DEL – Disvolvigo de Esperanto-Lernado

DEL – Disvolvigo de Esperanto Lernado estas multjara projekto de esperantaj medioj en Pollando, kiu celas inspiri al la lernado de esperanto dum diversformataj kursoj kaj aŭtodidakte.
2-a minikonferenco – Sabato, la 24-an de oktobro 2026
Loko: Łódź, ul. Kilińskiego 101 (Muzeum Przyrodnicze UŁ)
Lingvoj: Esperanto kaj la pola – sen tradukoj.
PLURIKO – aliaj projektoj
TELE-simpozioj – Teknologio en Edukado kaj Lingvistika Esplorado

TELE-simpozioj – Teknologio en Edukado kaj Lingvistika Esplorado estas multjara projekto de PLURIKO. Ĝi celas organizi ĉiujrajn simpoziojn pri la instruado de fremdaj lingvoj kaj lingvistikaj esploroj, precipe koncernantaj esperanton, per uzado de modernaj teknologioj.
1-a TELE-simpozio – sabato, la 5-an de decembro 2026
Loko: Biblioteka Narodowa (Pola Nacia Biblioteko), Varsovio, al. Niepodległości 213.
Lingvoj: Esperanto kaj la angla – sen tradukoj.
Ligilo por reta konekto – sekvos
TJU – Lingva Terapio de la Menso de lernantoj kun milda intelekta neplenkapablo

TJU – mallongigo de pollingva: Terapia Językowa Umysłu estas la unua projekto de PLURIKO. Ĝi celas esplori la influon de la dujara lernado de esperanto far lernantoj kun milda intelekta neplenkapablo al evoluo de iliaj lingvaj, kognaj kaj sociaj kompetencoj.
Prezentita estas pilota projekto en lernejo por speciala edukado en Piaseczno apud Varsovio gvidata far PLURIKO en la jaroj 2022-26.
